მამუკა ხაზარაძის განცხადება “განათლების დეკლარაციის” შესახებ

“დღეს “განათლების დეკლარაციას” მოვაწერეთ ხელი, რომელიც წამყვანმა არასამთავრობო ორგანიზაციებმა განათლების დეპოლიტიზირების მიზნით შეიმუშავეს.
ეს არის ძალიან მნიშვნელოვანი საკითხი, რომლის გამოც 2012 წელს”ოცნება” ხელისუფლებაში მოვიდა, თუმცა როგორც ყველა სხვა დაპირება, არც ეს შეუსრულებია – პირიქით, სისტემაზე ზეწოლის მასშტაბი გაზარდა.
“ოცნებამ” ყველაფერი გააკეთა იმისთვის, რომ მასწავლებლები საარჩევნო რესურსად ექცია, რამაც 2018 წელს ქალბატონ ია კერზაიას სიცოცხლე შეიწირა.
გასულ კვირას მე საჯარო მოხელეებს, მათ შორის მასწავლებლებს, მივმართე და კიდევ გავიმეორებ – როდესაც “ძლიერი საქართველო” ხელისუფლებაში მოვა, თქვენ სანერვიულო არაფერი გექნებათ. კეთილსინდისიერ საჯარო მოხელეებს არავინ შეეხება. პოლიტიკური ანგარიშსწორების ეპოქა დასრულებულია, ისევე როგორც დავასრულებთ განათლების პოლიტიზირებას ამ ქვეყანაში.
11 დღეში დავასრულებთ “ოცნებას” და მის მანკიერ პოლიტიკას! ერთად ავაშენებთ ძლიერ საქართველოს!”- მამუკა ხაზარაძე